1. Храм
2. Новости
3. Чины присоединения к Православной Церкви
4. Чин приема приходящих от оккультизма и сатанизма

Чин приема приходящих от оккультизма и сатанизма

ЧИН КАКО ПРИИМАТИ ПРИХОДЯЩИХ ОТ ОККУЛЬТИЗМА И САТАНИЗМА. КАНОНИЧЕСКАЯ СПРАВКА. / Чин присоединение к Православной Церкви приходящих от оккультизма и сатанизма / Чин присоединение к Православной Церкви совершается в отношении уверовавших во Христа бывших иноверцев, а также покаявшихся еретиков и сектантов. Решениями 1-го (8-е и 19-е правила) и II-го (7-е прав.) Вселенских Соборов были установлены общие правила принятия в Церковь иноверных. В VII веке Шестой Вселенский Собор, подтвердив прежние церковные постановления, окончательно определил принципы присоединения к Православию (95-е правило).

Каноническая справка

В наше время весьма многие люди участвуют во всевозможных оккультных практиках и часто вовлекаются в прямое служение диаволу. К несчастью они очень часто, состоя в этом страшном грехе,стремятся принять Православные Таинства Крещения и Причастия или с целью приобретения больших оккультных способностей, или же желая просто поглумиться над святыней. По словам Спасителя "Не давайте святыни псам и не бросайте жемчуга вашего пред свиньями,чтоб они не попрали его ногами своими и, обратившись,не растерзали вас,"(Мф.7,6) и поэтому совершенно недопустимо таких людей допускать до любых святых Таинств без предварительного строгого испытания их намерений и прохождения ими чина присоединения. Эти люди должны проходить оглашение более длительное, чем обычные язычники приходящии к Церкви.

Особое место занимают те, кто после Таинства Крещения занялся различными оккультными практиками. По правилам святого Василия Великого (65;72) занимавшийся волшебством подпадает наказанию для убийцы (20 лет отлучения), а обращающийся к волшебнику -отлучается на 5 (24 пр.Ангкир.) или на 6 лет (61 пр.VI Вс.Соб.) от Причастия.Изготовитель гороскопов,амулетов и гадатель отлучается на 6 лет (61 пр.VI Вс.Соб.). Тот, кто добровольно отрекся от Христа и занался служением сатане может причастится лишь на смертном одре (Григорий Нисский 3 пр.). Все эти правила, однако, написаны для тех, кто был реальным членом Церкви, а не числился им лишь по Крещению во младенчестве. Об них должно применять правило св.Мефодия, повелевающее таким принимать очистительные молитвы 7 дней, и в 8 да омоются и затем да помазуются Миром и облачатся в новые ризы по образу крещаемых.Однако это правило распространяется лишь на тех,кто принял Крещение в несознательном возрасте, а не на тех кто Возродился взрослым и отпал. Здесь должно, конечно, проявлять рассуждение - насколько воцерковлен был оккультист, и принимать решение о чине присоединения лишь по согласованию с правящим архиереем.

Недопустимо без разбору присоединять всех, ибо такой священник уподобляется Иуде предающим Христа убийцам.

ЧИНОПОСЛЕДОВАНИЕ

Первее исследовати подобает, аще не быша уже крещени, и аще истинно, спасения ради души своея, а не прибытка ради, или иныя привременныя вины, крещения святаго сподобитися желают. Известився же несумненно, яко спасения точию ищут, архиерей или иерей оглашает их и имена им христианская нарицает.

Пришедше убо хотящии огласитися, с восприемники своими, станут пред дверьми церковными.

Святитель же,вшед во алтарь и откровенною главою пад ниц пред святой трапезою,благодарение воздает Богови о обращении их,и молится,да даруется ему самому благодать,во отверзении уст ,во еже возмощи ему научити их пути спасительному.По молитве сей,востает,и на мантию приемлет епитрахиль и омофор,митру на главу и вне алтаря жезл в шуицу.

Аще ли действует иерей ,сицевым же образом помолився,и возложь на себя епитрахиль и фелонь,и целовав святую трапезу,исходит к западным церковным дверем.Клир же поет псалом 33:

Благословлю Господа на всякое время,выну хвала Его во устехъ моихъ:о Господе похвалится душа:да услышатъ кротцыи, и возвеселятся.Возвеличите Господа со мною,и вознесемъ имя Его вкупе.Взысках Господа,и услыша мя,и отъ всехъ скорбей моихъ избави мя.Приступите къ Нему и просветитеся,и лица ваша не постыдятся.Сей нищий воззва ,и Господь услыша и,и от всехъ скорбей его спасе и.Ополчится ангелъ Господень окрестъ боящихся Его и избавитъ ихъ.Вкусите и видите,яко благ Господь:блаженъ мужъ,иже уповаетъ нань.Бойтеся Господа,вси святии Его:яко несть лишения боящимся Его.Богатии обнищаша и взалкаша:взыскающии же Господа не лишатся всякаго блага.Приидите,чада,послушайте мене,страху Господню научу васъ.Кто есть человекъ хотяй животъ,любяй дни видети благи? Удержи языкъ твой от зла,и устне твои еже не глаголати льсти:Уклонися от зла и сотвори благо:взыши мира и пожени и.Очи Господни на праведныя,и уши Его въ молитву ихъ: лице же Господне на творящыя злая,еже потребити от земли память ихъ.Воззваша праведнии,и Господь услыша ихъ,и от всехъ скорбей избави ихъ.Близъ Господь сокрушенныхъ сердцемъ и смиренныя духомъ спасетъ.Многи скорби праведнымъ,и от всехъ ихъ избавитъ я Господь.Хранитъ Господь вся ковти ихъ,ни едина от нихъ сокрушится.Смерть грешниковъ люта,и ненавидящии праведнаго прегрешатъ:Избавитъ Господь души рабъ Своихъ,и не прегрешатъ вси уповающии на Него.

Став же у дверей внутрь храма,вопрошает оглашаемаго:

Кто еси?

Ответ:Аз есмь,истиннаго Бога познати желаяй и спасения ищяй.

В.Что пришел еси ко святей Церкви?

О.Научитися от Нея истинней вере и к Ней присоединитися.

В.Кую пользу получити надеешися от истинныя веры?

О.Жизнь вечную и блаженную.

Таже священнодействуяй поучает:

Аще хощеши имети жизнь вечную,долженствуеши веру православно-кафолическую соблюсти.Вера же сия сеть,яко да Бога единаго в Троице,Отца и Сына и Святаго Духа,и Троицу во Единице исповедуеши,не сливая Лиц,ниже разделяя Существо.Бог бо есть Отец,Бог Сын,Бог Дух Святый:обаче не трие бози,но един Бог.И о воплощении Господа нашего Иисуса Христа да разумееши,яко Бог есть и Человек:Бог,Сын Единородный от Бога Отца прежде всех век рожденный,Человек же,от Марии Приснодевы плоть нашу восприемый:пострада плотию и распят на Кресте ради нашего спасения,умерый и воскресый,вознесыйся на небеса и седый оденую Бога и Отца :егда же приидет судити,вси воскреснут,и праведницы жизнь блаженную наследуют,злая же творившии приимут муку вечную по делом своим.Сию веру проповедаша апостоли,своею кровию запечатлеша мученицы,провозвещаху Собори и вси отцы и учителие Церковнии.Тако и ты веруя,долженствуеши и заповеди Господни соблюдати:вера бо без дел мертва есть.Древния и большыя заповеди сия суть:Возлюбиши Господа Бога Твоего от всея души твоея,и ближняго твоего,яко сам себе.Внушая нам хранити сия обоя,Христос Спаситель наш повеле нам и врагов любити,и всем обидящим добро творити,и всякаго зла уклонятися.Корения же зла сия суть:гордость,лихоимание,похоть плотская,зависть,невоздержание,гнев и леность.Ты же,яко царствия небеснаго наследник быти хощеши,побеждай оныя добродетельми:гордость смирением,лихоимание милосердием,похоть плоти целомудрием,зависть сорадованием,невоздержание трезвостию и пощением,леность усердием к молитве,богослужению и прочим делом благочестия.

По окончании сего поучения,бывает вопрошение:

Хощеши ли убо сию святую веру сердцем твоим прияти,и неотступно,до кончины жизни твоея,содержати,такожде и добродетелем христианским навыкнути,и в них по силе,при помощи Божией,преуспевати ?

Ответ:Истинно от всего сердца моего хощу веру сию святую содержати до последнего моего издыхания,добродетельному же евангельскому житию прилежати,моля Бога о помощи.

Предстоятель глаголет к нему:

Преклони колена твои пред Господем Богом нашим.

Он же,колена преклонь и руце крестообразно на персех сложены имея,пред дверми стоит.

Предстоятель,знаменая главу его трижды,глаголет:

Знаменается раб Божий (имя) во имя Отца ,и Сына,и Святаго Духа.

Диакон:Господу помолимя.

Клир:Господи,помилуй.

Архиерей,или иерей,стоя над оглашаемым,чтет молитву сию: Благословенъ еси,Господи ,от всехъ языкъ,призываяй люди

избранны,ревнители добрыхъ делъ.Ты и ныне пришедшаго ко святей Твоей Церкви раба Твоего (имя) благослови:отверзи его очи душевныя къ разумению чудесъ Твоего о насъ промышления,открый слухъ сердца его ко приятию Божественныхъ словесъ Твоихъ,да во время благоприятно сподобится бани возрождения и одежди нетления.Ты изъялъ еси душу сего раба Твоего от прелести лукаваго:самъ убо сохрани ю невредиму отнаветъ вражиихъ,и обиталище благодати Твоея быти удостой.Твое бо есть,еже избавляти насъ от козней лукаваго,и Тебе славу и благодарение приносимъ,ныне и во веки вековъ.

Клир:Аминь.

Последующие дни оглашаемый пребывает в пощении и молитвах:приходя во храм Божий к началу служб церковных,и тамо при дверех церковных стоя,и с сокрушением сердечным о своем прежнем омрачении воздыхая,со слезами молится о еже сподобитися ему приятия Святаго Крещения.Духовный же его наставник поучает его вере,изъясняет священные догматы,показует силу святых Таинств,внушает ему повиновение заповедем евангельским и церковным,и на едине испытует его,аще по чистому желанию сердца и без лицемерия к вере правослвней приходит.

ОГЛАШЕНИЕ ПЕРВОЕ.

По днех довольнаго научения,по вечерни,предстоятель облачится во священную одежду,якоже предречеся,и поклонився трижды пред престолом и целовав край его,исходит от алтаря к дверем церковным.Поется же псалом 8:

Господи Господь нашъ,яко чудно имя Твое по всей земли,яко взятся великолепие Твое превыше небес.Изъ устъ младенецъ и ссущихъ совершилъ еси хвалу,врагъ Твоихъ ради,еже разрушити врага и местника.Яко узрю небеса,дела перст Твоихъ,луну и звезды,яже Ты основалъ еси .Что есть человекъ,яко помниши его ? Или сынъ человечь,яко посещаеши его? Умалилъ еси его малымъ чимъ от ангелъ,славою и честию венчалъ еси: и поставилъ еси его надъ делы руку Твоею ,вся покорилъ еси подъ нозе его: овцы и волы вся,еще же и скоты польския:птицы небесныя и рыбы морския.Господи Господь нашъ,яко чудно имя Твое по всей земли.

Оглашаемый же стоит в паперти,зря к храму.И глаголет предстоятель к нему:

Се,чадо,время наставления твоего преста.Темже,аще особне и вопрошаемь был еси,любве ли ради Христовы и спасения души твоея христианин быти хочеши:обаче долженствуеши ныне и пред церковным собранием сия изъявити,языческаго и оккультнаго лжеверия,в немже был еси,отрещися,и веру православную ясно исповедати.

Посем тайно вопрошает все грехи его,яже от юности его содеянны суть,разрешения же не подает ему,а глаголет к нему гласно:

В.Отрицаешися ли ты учения,яко Господь Бог или вовсе не существует,или же есть некая безличная сила пронизывающая Вселенную и не обладающая ни разумом,ни свободной волей?

О.Отрицаюся.

В.Отрицаешися ли хулы,яко Бог есть выше различения добра и зла,а не есть существенное Благо и Любовь?

О.Отрицаюся.

В.Отрицаешися ли ты безумнаго мнения будто мiр сей или вовсе несотворен и существовал всегда,или же он самоусовершенствовался и из беспорядочнаго состояния достиг сам порядка?

О.Отрицаюся и верую яко мiр сей сотворен Единым Богом,а не слепым случаем.

В.Отрицаешися ли ты учения будто мiром управляет судьба,а не свободное Божие произволение?

О.Отрицаюся.

В.Отрицаешися ли от мнения ,аки диавол суть некто имеющий собственную власть равную или большую нежели сила Божия?

О.Отрицаюся.

В.Отрицаешися ли мнения,аки добро слабее нежели зло?

О.Отрицаюся.

В.Отрицаешися ли ты суеверия,яко душа человеческая по смерти или исчезает,или же переселяется из тела в тело?

О.Отрицаюся.

В.Отрицаешися ли безумнаго мнения будто возможно достигнуть блаженства на Земле лишь изменив внешние условия жития человеческаго?

О.Отрицаюся.

В.Отрицаешися ли учения глаголющаго,яко спастися возможно находясь вне Православно-Кафолическия Церкви лишь своими добрыми делами?

О.Отрицаюся.

В.Желаеши ли отрещися от пагубных для души и тела занятий оккультизмом?

О.Желаю от всего моего сердца.

В.Исповедаеши ли,яко занятие всеми видами оккультизма и колдовства ,а именно :экстрасенсорика,биоэнергетика,бесконтактный массаж,гипноз,"народное" целительство,нетрадиционная медицина,кодирование,снятие порчи и сглаза,колдовство,чародейство и ворожба,гадание,общение с мертвыми,звездословие,общение с духами,вызывающими полтергейст,общение с "высшим разумом" и НЛО,подключение к "космическим энергиям",парапсихология,чтение мыслей,"глубинная"психология,йога и другие восточные учения и единоборства,медитация,и иные виды оккультизма приводят к особо глубокому общению с злыми духами,ищущими убити человека?

О.Исповедую и раскаиваюсь в содеянном мною от всего моего сердца.

В.Отрицаешися ли ты суеверия,яко светила могут заставити человека сотворити нечто лукавое или благое,и обещаеши ли отвергнути всякие звездословия?

О.Отрицаюся от сего суеверия и отвергнути вся звездословия обещаю.

В.Отрекаешися ли от всякаго рода колдовских и чародейских книг,фильмов ,публичных проповедей и иных образов преподавания бесовской лжемудрости? Раскаеваешися ли,яко и сам грешил сим ,и иных вовлекал в сии Богопротивныя занятия?

О.От всего сего чистосердечно отрекаюся,все еже есть у меня абие сожжещи обещаюся.Всех ,ихже аз совратих в сии не-

потребства,потщуся обратити к познанию Истины и умоляю Господа

со слезами простити мои прегрешения.

В.Исповедуеши ли,яко источником всем моих необычных сил и способностей есть человекоубийственная сила бесовская,а не могущество Всеблагаго Бога? Обещаеши ли отвергнути сия силы и способности?

О.Исповедую,яко источником сил моих был сатана,а не Господь.Все сии силы и способности отвергаю невозвратно.

В.Проклинаеши ли Рерихов,Блаватскую (называется также имя основателя секты) и все их учения и сочинения ,яко душевредныя? Обещаеши ли впредь сии Богомерзкия сочинения не читати?

О.Проклинаю всех сих лжеучитилей и их сочинения,кои читати отнюдь не буду.

В.Сочетаваешися ли истинно,нелицемерно и ни в чем же сумняся,всею душею твоею,единому истинному,в Троице славимому Богу,и веруеши ли в Него?

О.Сочетаваюся истинно,нелицемерно и без коего-либо сумнения,от всея души моея,единому,истинному ,в Троице славимому Богу,и верую в Него.

ОГЛАШЕНИЕ ВТОРОЕ.

В.Исповедуеши ли ,яко Отец,Сын и Святый Дух есть Бог един,по существу нераздельный,в триех же Лицех разделяемый? И веруеши ли в Него?

О.Сице верую,исповедую и Богу триединому покланяюся.

В.Веруеши ли,яко мiр сей сотворен Всемогущим Богом из несущих в шесть дней по единой Его благости,а не по нужде?

О.Сице верую и тако исповедую.

В.Веруеши ли ,яко Вселенная управляется всеблагим Промыслом всякому доброму вспоспешествующим,а всякое зло возникающее чрез уклонение разумных существ от Бога пресекающим и обращающим к добрым последствиям ?

О.Тако верую и сице исповедую.

В.Веруеши ли и исповедуеши,яко Иисус Христос,единородный Сын Божий ,от Отца прежде всех век рожденный,воплотися от Духа Святаго и Девы Марии,нашего ради спасения,и бысть человек,сый вкупе и Бог,во единей Ипостаси,в двух же естествах,Божестем и человечестем,непреложно и неслитно?

О.Сице верую и тако исповедую.

В.Веруеши ли ,яко Господь Иисус Христос не нуждею,но волею ,истинною,а не привидением плотию пострада за нас,божеством же безстрастен прибысть,силою Своего Божества воскресе,на небеса с плотию взыде,и сидит одесную Отца,отонудуже паки приидет судити живым и мертвым,и царствовати имать,и царствию Его не будет конца?

О.Тако сердцем верую,и усты нелицемерно вся сия исповедую.

В.Веруеши ли в безсмертие человечестей души и в воскресение плоти?

О.Сице верую и тако исповедую.

В.Веруеши ли,яко вне Господа Иисуса Христа и Его Православней Церкви обрести спасение невозможно?

О.Сице верую и сие сердечно исповедую.

В.Веруеши ли,яко Дева Мария,рождшая Христа Бога нашего,есть Приснодева и воистинну Богородица,и того ради достойно есть почитати Ю,яко честнейшую и вышшую сил безплотных ,и покланятися Ей благоговейно,яко первейшей о нас к Богу Ходатаице?

О.Вся сия о Приснодеве Марии исповедую,яко Божию Матерь сию почитаю,и в молитвах имам прибегати к Ней.

В.Веруеши ли,яко Крест Господа нашего Иисуса Христа,на нем распятаго,не ктому проклятия и смертной казни орудие есть,но спасения и жизни вечныя знамение,еже на себе изображающе,сетей вражиих избегаем?

О.Сице о Кресте Господни верую,и сим спасительным знамением ограждати себе от сетей лукаваго,со упованием,потщуся.

В.Веруеши ли,яко в Церкви Своей Святей Господь наш Иисус Христос учредил есть таинств седмь,яко необходимых:крещение,миропомазание,причащение,покаяние,священство,брак и елеосвящение,чрез нихже подаваемою благодатию вернии раби Христовы бывают наследницы жизни вечныя?

О.Сице о святых таинствах верую,и оныя седмь в Церкви Божией,ко спасению чад Ея ,необходимыми исповедую.

В.Веруеши ли,яко священное Писание Ветхаго и Новаго Завета,Церковию содержимое,святии Божии человецы изглаголаша,от Святаго Духа просвещаеми,и того ради приемлиши ли оное,яко богодухновенное и спасительное? От неприемлющих же и хулящих е отметаешися ли?

О.Писание священное,Церковию содержимое,яко богодухновенное и святое,и аз приемлю,яко слово Божие,ко спасению нам данное:неприемлющих же и хулящих оное отметаюся.

В.Апостольская и святых отец предания,чиноположения и молитвословия,нашей Церковию содержимая,вменяеши ли душеспасительна быти и приемлиши ли я?

О.Вся сия душеспасительна быти верую и последовати онем,елико от мене потребно,обещаваюся.

В.Веруеши ли,яко апостоли,мученицы и вси святии,ихже Церковь наша чтит и в мольбу призывает,суть воистинну угодницы Божии,со Христом во Царствии небеснем пребывают и о нас грешных молятся?

О.Верую,и святых угодников Божиих отныне в мольбу призываю.

В.Честныя иконы,яже Христа,Богоматере и святых лики изображают,приемлеши ли к почитанию,якоже в Церкве православней установлено есть,и хулящих я отрицаешися ли?

О.Иконы честныя приемлю,во еже по чину церковному поклонятися изображенным на оных святым ликом: хулящих же оныя отрицаюся.

В.Исповедуеши ли,яко Церкви Православно-Кафоличестей Глава есть Господь наш Иисус Христос,и поставляемым от Духа Святаго пастырем обещаеши ли нелицемерное послушание?

О.Исповедую,и пастырем Церкве Православныя повиноватися обещаю.

В.Сия,яже изрекл еси,от всея ли души твоея и от всего помышления твоего исповедуеши,не нуждею ли ко христианстей вере приходиши,и от свободнаго ли произволения сподобитися святаго крещения (аще крещен,то миропомазания) желаеши и всеконечно ли отвергаеши все занятия колдовством и оккультизмом?

О.Истинно вся,яже изрекох,сице исповедую,и содержати до конца жизни моея обещаюся,от своего произволения,нелицемерно ко христианстей вере прихожду и спасительное крещение прияти вседушевно желаю,оккультизма же и колдовства всеконечно отвергаюся.

Предстоятель глаголет:

Аще воистинну тако есть,якоже рекл еси,сия пред Церковию клятвою утверди.

Он же чтет:аще ли не умеет,вслед за чтущим восприемником,или клириком,по единому слову сия глаголет:

Аз (имя) от язычества ко христианстей вере приходяй,днесь пред Всевидящим Богом клятвою моею извествую,яко не по принуждению или страху,или чрез притеснение от единоверных ми,и не корысти ради,или иныя утаенныя мною вины, языческаго лжеверия и всех,яже во онем,ересей и злохулений отрицаюся,и ко спасительней христианстей вере прихожду:но точию ради спасения души своея,быв самою истиною сея веры побежден,и любовию сердца моего ко Христу Спасителю влекомь,христианином быти хощу и крещения святаго сподобитися желаю.Аще же сия с лицемерием ныне исповедую,а не от желания сердца моего ко Христу Богу прихожду,и послежде веры христианския отрещися и паки в язычество возвратитися дерзну,да постигнет мя гнев Божий и осуждение вечное.Аминь.

Посем иерей речет:

Благословенъ Богъ,хотяй всемъ человекомъ спастися и въ разумъ истины приити.Аминь.

Диакон:Оглашеннии,главы вашя Господеви приклоните.

Клир:Тебе,Господи.

Оному убо главу приклоншу,диакону рекшу:Господу помолимся,и клиру:Господи,помилуй,и предстоятель чтет молитву сию:

Боже великий,первобытную тму просветивый и Сына Твоего низпославый во очищение падшаго естества нашего,Самъ и раба Твоего (имя),подклоншаго Тебе главу свою,преведи от омрачения греховнаго къ свету Твоего богоразумия,очисти от скверны,изми от козней сопротивнаго ,и сопричти его избранному Твоему стаду,даруя ему часть и жребий въ Церкви Твоей святей.Ты бо еси Богъ нашъ,сый благословенъ во веки.

Клир:Аминь.

Таже знаменав оглашеннаго и зря ко алтарю,диакону рекши:Господу помолимся,и клиру:Господи,помилуй,глаголет молитву сию:

Боже великий и дивный,призываяй заблуждшихъ и рекий:Обратитеся ко Мне,и обращуся къ вамъ,и обращающагося приемляй,по слову Твоему:Грядущаго ко Мне не изжену вонъ! Самъ и раба Твоего сего (имя)приходящаго къ Тебе от заблуждения пути Своего,приими,предъусретъ его благодатию Твоею,введи его во дворъ Твой Церковный:отверзи ему врата правды,въ няже вшедъ,возможетъ избегати всякия прелести,лжи и неправды:ангела ему посли,сопутствующа на добремъ пути,на немже обрелъ есть Тебе,Спаса нашего Бога:укрепи веру его,надежду и любовь чистую,и яви лице Твое на немъ,яко да сподобится бани пакибытия и одежди нетления,и тако во обновлении жизни ходити начнетъ.Твое бо есть,еже миловати,просвещати и спасати насъ,и Тебе славу возсылаемъ,Отцу и Сыну и Святому Духу,ныне же и во веки.

Клир:Аминь.

Аще мнози суть оглашеннии,подобает,идеже потреба,именова-

ти всех:и ожидают святого Крещения по чину Православныя Церкве.

Аще же уже крещени есте ,ожидают чина молитв очистительных от отвержения обращающихся ко Истинней вере и святаго Миропомазания.

Просмотров: 128

---

---

---